ANKER 2019an Legazpin sortutako Heavy metal taldea da. Gure musikaren barruan, thrash, metal klasikoa, metalcore, death melodikoa eta power metal estiloak nabarmentzen dira.

“Hau dena 2019ko udan hasi zen, Brinkolako garaje batean".

Udan izaten diren festibaletako grinaz bideratuta Eneko eta Joanes Brinkolako garaje batean elkartu ziren lehenengo abestiak konposatu eta ikasteko, ANKER abestia horien artean. Handik gutxira, Jon Ander Arnaiz “Jota” taldera gehitu zen eta elkarren artean hobetzen joan ziren.

Hilabete batzuk beranduago, Urko batu zen taldera. Eneko eta Urko aurretik izandako "AKER" proiektuan ezagutu ziren elkar. Azkenik, Jon batu zen taldera hasierako boskotea osatuz. Honela, "Subeltza" musika elkarteko lokaletan sartzea lortu zuten "DEATH RITUALS" proiektuari ekinez.

Pixkanaka, gaur egungo "Gizagaitza" osatzen duten abestiak konposatzen joan ziren. Pandemiak sortutako eragozpenak zirela medio, nola edo ahala etxetik moldatu behar izan ziren aurrera egiteko.

2020a bukatzear zela, Jotak taldea utzi zuen eta gaur egungo formazio ofiziala finkatu zen. Aurrera jarraitzeko, taldeari izena aldatu zioten ANKER sortuz.

2021 urte hasieran Gizagaitza albuma osatzen dituzten abestiak konposatzeari amaiera eman zioten eta Aimar Ibarzabalen (Ilunz Produkzioak) eskutik diska grabatu zuten.

Urte bereko maiatzean, “ELBERETH” taldearekin batera haien lehen kontzertua eman zuten.”