LAUMONO Mutrikun (Gipuzkoa) sortu zen 90eko hamarkadaren bukaeran Ehun Kilo desagertu eta gero.
Talde berri bat sortzeko hilabete batzuk konposatzen eta musikari berriak bilatzen aritu ginen.
Hasiera batean Deep Purple, Hendrix, Led Zeppelin, etab… bezalako 70. hamarkadako hard rock taldeen bertsio batzuk jotzen genituen kantu propioekin tartekatuz. 2000.eko hasieratan hasi ginen zuzenekoak ematen eta taldeari beste itxura bat emanez.
Ondorengo urteetan Ibai Mendiuneta eta Egoitz Andonegik beraien bideari jarraitu zioten Aiumeen Basoa taldearekin. Bestalde Jon Iturrino, Hira taldearekin batu eta azken hauen hirugarren lana “Sic” grabatu zuen.
2001 kaleratu genuen gure lehen diska “Beidau”, bera, gure entseguko lokalean grabatua eta Angel Katarainek bere Katarain estudioetan nahastua. Inguruetan kontzertu batzuk emanda Ondarroako rock lehiaketa irabazi genuen urtearen bukaera aldera. Denbora pasata 2003an taldea banandu zen beti ere lagun artean.
2008 urtean Jonek, Hira taldea utziko du proiektu pertsonalago batean barneratzeko asmotan. Oraingo honetan ere Enekoitzekin batzen da baterian baina bestalde baxuan Iñigo Gorritxategi (The Wet Band) dagoelarik. 2010 hasieratan batzen da berriro Rikar Garagarza ahotsetan eta orduan erabakitzen da gure bigarren diska grabatzea. Oraingo honetan Jon Iturrinok grabatu eta produzitzen du, nahasketak Santos Records estudioetan Mikel Santosek eta diseinua Enekoitz Andonegik eginak izango dira.
Azken diska berria;
“Andrenalinia” bederatzi kantuz osatua dago non blues, hard rock eta fusion erritmoak azaltzen diren, beti ere LAUMONOren nortasuna galdu gabe.
Diska berri hau, laister batean kaleratuko duguna, AME Estudioetan grabatu dugu Axular Arizmendiren gidaritzapean.